كل ما نبدأ يوم جديد، اليوم اللي قبله و بأحداثه يصير ذكريات، و لأنو الذكريات مهما كانت مطبوعة في رآسنا إلا إننا نحتاج نوثّق بعضها .. هنا حأوثّق رحلاتي و جولاتي السّياحيّة حوالين جزء بسيط جداً من العالم
من ضمن سلسلة رحلاتي الأسبوعية، أزور كل مدينة بريطانية قريبة مني في يوم كامل من الصّباح الين الليل، و المدينة اللي حأتكلّم عنها اليوم مدينة باث، محا أتكلّم عنها من ناحية تاريخيّة، و لا عن قصة المدينة و سبب تسميتها، لأنو في تدوينة كاملة عنها حتلاقوها هنا
أنا حأتكلم عن رحلتي من ناحية سياحيّة، و حأغطّي الأماكن او أحط صور الأماكن اللي مهي موجودة في التدوينة
مدة الرحلة
من ليستر الى باث بالترين تقريباً 3 ساعات و 20 دقيقة، مع تبديل محطتين، أول شيء في برمنغهام نيو ستريت، و بعد كدا في بريستول
السنتر
خطّتي كانت أتمشّى في المدينة الصباح، و أتعرّف عالسنتر تبعها، سنترها جميل حبّيتو غير عن مدن بريطانيا، و نظيف و مرتّب، و محافظين عالتراث القديم تبعهم، والنّاس هنا لطيفة جداً
Pulteney Bridge
الجسر اللي يمرّ من تحته نهر ايفون، في وسط سنتر باث
الكاتيدرائية
Bath Abbey
الحمّامات الرّومانية
من عادتي لـمّا أزور أي مدينة، أحب أروح أستكشف الأماكن اللي هيّا مشهورة بيها، و مهي مُكرّرة في أي مدينة تانية، ف عشان كدا الحمّامات الرّومانيّة لها من زيارتي نصيب، وتاريخ الحمّامات و قصّتها بالتفصيل حتلاقوها في التدوينة Bath Spa باث سبا
و دا مُجسّم كامل للحمامات الرّومانيّة
تيكيت الدّخول لها، ممكن تشتروها أون لاين و ممكن تشتروها في نفس اليوم، و الأسعار تختلف حسب المواسم، و الطلاب لهم ديسكاونت Romanbaths
و في الدور الأرضي من البيت، حتلاقو زي المتحف صغير مرة، يورّوكم كيف كان مطبخ سالي
الرويال كرسنت أو القوس الملكي
صورة بانورامية للمكان، برضو من الأماكن اللي تستاهل الواحد يروح يشوفها و يشوف التصميم البنائي تبعها، و قدامه حديقة ممكن الواحد يجلس فيها و يتمشّى فيها
Stonehenge
من أبرز المعالم التاريخية في بريطانيا، تمّ بناءها من قبل 3500 سنة، و استغرق بناءها 1500 سنة، و اتكوّنت من 170 حجارة
تبعد عن باث ساعة كاملة بالسيارة، رحلتي لها كانت مع قروب سياحي بالباص
حجزت التيكيت اون لاين من موقعهم Scarpertours
الطلاب لهم ديسكاونت، و التيكيت شاملة الباص و دخول المعلم نفسه و كمان مع جهاز الإرشاد الصوتي، مدة الرحلة 4 ساعات، ساعتين في الطريق رايح جاي، و ساعتين نجلس نتفرج فيها
هنا المدخل، و لـمّا نوصل هناك كمان في باص تاني يودّينا عالمكان نفسو، و التيكيت حقتنا شاملة الباص التاني كمان
الحجارات مكوّنة شكل حلقة، و مثبتينها و هيّا واقفة في منطقة تعتبر أكثر مناطق الأرض كثافة عشان تقدر تستحمل ثقلها و هيا واقفة
و هنا الأكواخ اللي كانو عايشين فيها الناس اللي بدؤو ب بناء الحجارات
و دي الصّخرة عارضينها عشان نعرف قد ايش وزن الحجارات اللي استعملوها عشان يبنو الـمعلم، و حاطين انو كم شخص يحتاج عشان يشيل دي الصخرة
دي كانت أبرز معالم مدينة باث، طبعا فيها محلات شوبينق بس زي ما قلت في بداية التدوينة أنا في رحلاتي ما أحب أضيّع وقتي في المحلات، أحب أستغل الوقت و أتفرّج في الأماكن الخارجية المفتوحة، و كمان فيها مطاعم و كافيهات و نفس الشئ ما أحب أضيّع وقتي في المطاعم و الكافيهات، و ايوا صح باث فيها الباص الأحمر السّياحي اللي يورّينا أبرز معالم باث السياحيّة بس برضو ما حبّيت آخده عشان أغلب الأماكن أقدر أوصل لها مشي
كيف بدأت أوثّق الصور و المعلومات السّياحيّة عن ليستر ؟
لمّا نقلت لِـ ليستر في عام 2014 و بدأت فترة دراستي للدكتوراه، كنت أدوّر على أي معلومة عن المدينة في تويتر، بس للأسف ما كنت ألاقي معلومات كتير و وافية، ف جات فكرة من أحد أصدقائي إنّي أسوّي حساب خاص لليستر في انستجرام و أحط فيلو كل شئ يخص ليستر، ف كانت الفكرة اني أحط صور لأماكن أنا زرتها و مطاعم جرّبتها و تحتها وصف بسيط عن عنوان المكان، و كمان عشان نشجّع الناس تتابع الحساب كنا نسوّي إعادة نشر لصورهم اللي مصوّرينها في ليستر، و مع الأيام كبر الحساب و انتشر و اتواصل معايا النادي السعودي في ليستر و طلبو انّو الحساب يكون تحت مظلة النادي بس يبقى زي ما هوا تحت إدارتي و إشرافي .. انبسطت صراحة و إحساس مرة حلو انو النّاس الحمدلله عمّال تستفيد من الحساب و مخلّيته ك مرجع لهم، و مع الوقت كمان لما طلع سنابشات سوّيت حساب لليستر هناك و أعمل فيه بين فترة و فترة جولات سياحيّة
Follow my Leicester account on Instagram: SaudiLeics
Follow my Leicester account on Snapchat: SaudiLeics
و سوّيت تغطية سريعة ع سنابشات في حساب سعوديون في بريطانيا، هنا رابط التغطية ع تطبيق موجز، بس ما أعرف ليه مهي محفوظة كاملة
وكمان سوّيت تغطية لليستر في سنابشات لحساب مبتعثون في بريطانيا، ورفعت الفيديو ع يوتيوب
و كمان من مساهماتي في ليستر، لما الجمعية السعودية بجامعة ديمونتفورت جات بفكرة ابلكيشن في الجوال لليستر، اتواصلو معايا حتى يربطو حساب انستجرام في الابلكيشن، و أعطيتهم بعض الأفكار حتى يضيفوها للتطبيق، التطبيق موجود ع نظام أبل و نظام أندرويد
يلا نتكلّم عن ليستر
ليستر من وجهة نظري موقعها في بريطانيا جداً مُميّز، لأنها جايّة في النص بالزبط، و سهل جداً أتنقل بين مدن بريطانيا في نفس اليوم روحة و جيّة
مساحة المدينة حلوة ، ماهي كبيرة و ماهي صغيرة ، ملمومة على بعضها
و كمان المعيشة فيها معقولة جداً، و أسعارها مناسبة ماهي غالية ، و ماهي رخيصة مرة
فيها جاليات عربية و إسلامية كتيرة ماشاء الله ، وعشان كدا سهل نلاقي فيها مطاعم حلال و بقالات عربية و مساجد
تنوّع الجنسيّات فيها و الشعوب مخلّي شعبها متقبّل الكل و محد يحس انّو غريب او دخيل و قليل فيها العنصريّة
الجامعات في ليستر
ليستر فيها جامعتين: جامعة ليستر و جامعة ديمونت فورت
جامعة ليستر، هي الجامعة الرئيسية في المدينة و موصّى بها من وزارة التعليم العالي في جميع التخصصات، و أغلب المراحل الدراسية
فيها أغلب الباصات اللي تودّي عالمدن القريبة خارج ليستر، و كمان فيها باصات شركة ناشونال اكسبريس اللي برضو تودّي عالمدن البعيدة برا ليستر، و كمان تودّي عالمطارات
Haymarket Bus Station
فيها أغلب الباصات اللي توصّل ع الأماكن اللي جوّا ليستر
و شركات الباص في ليستر
Arriva
First
CenterBus
UHL Hooper
انا استعمل شركة اريفا، لانها اللي توصل ع جامعة ليستر، و أوفرلي وأريحلي اني أشتري التذكرة السنوية، وقيمتها 376 باوند
التكاسي
فيه أكتر من شركة، و طبعا أوبر موجود في ليستر و هوا الاسهل و احيانا يكون الارخص اذا طلبناه خارج أوقات الذروة
مولات ليستر
Highcross shopping centre
TK max
Primark
Haymarket
Fosse shopping park
محلات الشوبينق في ليستر ما تعتبر كتيرة
أكبر مول في السنتر مول هاي كروس
و كمان في مول هاي ماركت
و في محلات خارجية زي ماركس اند سبنسر، برايمارك و غيرها
و في مول بعيد شويّا عن السنتر اسمه فوس بارك
و الهاشتاق اللي جمّعت فيلو صور المولات في انستجرام #مول_ليستر
و صور السنتر جمّعتها في هاشتاق #سنتر_ليستر
أماكن التمشية و الترفيه في ليستر
حاولت أجمّع أبرز أماكن التمشية في ليستر، و حوالين ليستر، و المدن القريبة منها في ملف بي دي إف
و الهاشتاق اللي جمّعت فيلو أماكن الترفيه في انستجرام #ترفيه_ليستر و #حدائق_ليستر
المطاعم و الكافيهات في ليستر
الكافيهات ، و أماكن القهوة ، و محلات الحلا منوّعة في ليستر، مو مرة كتير بس في عدد لا بأس به و الكافيهات المشهورة في بريطانيا زي: ستاربكس، كوستا، برت، نيرو، سوهو برضو موجودة في ليستر
و كمان المطاعم منوّعة، بدءاً من المطاعم المشهورة في بريطانيا كلها زي: ناندوز، واقاماما، زيزي، بيتزا اكسبرس و غيرهم
و المطاعم الهندية كمان موجودة كتير، و المطاعم العربية و التركية و المطاعم الحلال موجودة كمان
أغلب المطاعم و الكافيهات صورتها و كتبت عناوينها و حطيتها في حساب انستجرام، و هنا بعض الأمثلة للكافيهات
و عشان تسهل عملية البحث في انستجرام، سوّيت هاشتاق #مطاعم_ليستر عشان للي يبا يوصل للمطاعم أسرع
و كمان تطبيقات الجوال زي ديلفرو و هنقري هاوس تساعد للي يبا ديلفري للبيت
البقالات في ليستر
طبعا السوبرماركتز المشهورة في بريطانيا من: تسكو، سينسبري، أسدا، ألدي، ليدل، آيس لاند، كو أو بريتيف، كوستكو كلها موجودة في ليستر، و كمان في ليستر ماركت سوق الفواكه و الخضار الطازة ، بالإضافة للبقالات العربية اللي تبيع المنتجات العربية و اللحوم الحلال زي: يورز سوبرماركت، باك فود، و انترناشونال ماركت و غيرهم كتير
Leicester market
Yours supermarket
Pak foods
International market
و الهاشتاق اللي جمّعت فيلو صور البقالات في انستجرام #سوبرماركت_ليستر تخفيض الطّلبة
حلو نستفيد كوننا طلبة من التخفيضات اللي تقدمها بعض المحلات و المطاعم اللي تتراوح بين 10-40% ، و أغلب المحلات ما تقول إنو عندها ستيودنت ديسكاونت، ف يبالنا دايماً نسأل اذا يسوو أو لا
و بعض المحلات تقبل الستيودنت كارد العادية تبعنا تبع الجامعة، بس بعضها تشترط إنو لازم يكون عندنا بطاقة اسمها
ممكن نطلعها لمدة سنة ب 12 باوند
أو لمدة سنتين ب 22 باوند
أو لمدة 3 سنين ب 32 باوند
و كمان في تطبيق عالجوال نقدر نستفيد منه في التخفيض اسمو
المستشفيات
المستشفيات الحكومية في ليستر
Leicester Royal Infirmary (LRI)
Leicester General Hospital
Glenfield Hospital
المستشفيات الخاصة
Spire Leicester Hospital
Nuffield Health Leicester
و دايماً يُنصحو الطلاب انهم يسجّلو في أقرب مركز صحّي
General Practitioners GP
البنوك
مهم لـمّا نجي نفتح حساب نتأكد إنو الحساب ما ياخد عمولة كل شهر
أشهر البنوك و أسماء الحسابات اللي تناسبنا فيها Lloyds: Islamic Account Barclays: Student Account HSBC: Student Account Santander: Student Account
النوادي الصّحية
The Gym
Pure Gym
DW Gym
Bannatyne Health Club
و طبعا في كمان النوادي الصحية التابعة لجامعة ليستر، و جامعة ديمونت فورت
و النادي الصحي النسائي الوحيد في ليستر
Esprit Ladies Health Club and Spa
المدارس و الحضانات
للأسف ما عندي أي خلفية عن المدارس و نظام الدراسة في بريطانيا
و بالنسبة للحضانات، موجودة بكثرة في ليستر، و أعرف 3 منهم في السنتر
The city nursery
Little angle nursery
Little starts nursery
و كمان في الحضانات التابعة لكل من جامعة ليستر و جامعة ديمونتفورت
الفنادق في ليستر
الفنادق أغلبها في السنتر
Holiday Inn
Travelodge
Ramada
Mercure Leicester The Grand Hotel
Premier Inn
ibis
أماكن السكن
Freemens Meadow
الأغلب إذا كانو عوائل يسكنو في منطقة اسمها فريمنز، هيا المنطقة جديدة و حلوة و أمان بعد الله، بس عيبها ما توصلها الباصات و شويّا مسافة عن السنتر تقريباً 20 دقيقة مشي، فالأغلب يكون معاهم سياراتهم
مجمع سكني في السنتر جمب مواقف الهاي كروس مول
دا الكمباوند فيلو 4 عمائر، و العماير اسمها
Burgess House
Sanvey Mill
The Annexe
The Chimney
و في عماير في السنتر جمب الترين ستيشن اسمها
St Georges Heights
Zenith Building
و في عمارة في السنتر اسمها
Metropolitan
و في عمارة جمب سوبرماركت يورز اسمها
The Horizon
و في عوائل تفضل البيوت ف تسكن في أحياء شوية بعيدة زي
Hamilton & Odby
دي بعض الخيارات الموجودة و المتاحة و اللي أعرفها، و في خيارات غيرها كمان
و أفضل طريقة الواحد يدوّر فيها عالسكن أون لاين من المواقع زي
